Išq'i dem jәhon žu jon ɣafč zur
Tuw'et be majbur wuzem be majbur
Rʉmʉṣ̌ bor maẓ̌ay kʉfeytki dunyo
Wuz be tow rʉmṣ̌em mar be car dewo
Išq'eṣ̌ dem jahon sof norawo deṣ̌en
May tu maẓ̌ deṣ̌ bor may wuz tow deṣ̌em
Toweṣ̌ be pʉtrumd ti šarem ti hayo
Wuzem be ẓ̌erex̌k de rasme dunyo
Towri be wʉṣ̌uk ki wocep beδnom
Mareṣ̌ ba x̌enen may go tam bulo
Išqereṣ̌ jahon e sof keto dešen
May tow maž diš bor may wuz tow dišem
May ɣ̌at tra žu dil ti išqe hawo
May tag tow kʉṣ̌ʉy ẓ̌u bayd žu sedo
May ɣ̌ird trem ẓ̌u dil ti wingay xeyol
May wizit skem ti zik žu nung žu qesa
De išqeṣ̌ wafo yi geno dišen
May tu maž diṣ̌ bor may wuz tow dišem
Tu bor badel žu jon x̌u nazer
Wuzep be lecrem skem x̌ʉ pʉzʉv ɣ̌ar
Raṣ̌tep ceng Bulbul cem ti č̣eẓ̌men ɣ̌ir
Suma et bi keyrt may got yo xaber
Yem ti hijr zehrep x̌u dewo deṣ̌em
Poetry: Nazir Ahmed Bulbul
No comments:
Post a Comment